ഐപിഎല്ലില്‍ ചെന്നൈ സൂപ്പര്‍ കിംഗ്‌സ് നിരയില്‍ അവസരം ലഭിക്കാത്തതിനാല്‍ മാര്‍ക്ക് വുഡ് നാട്ടിലേക്ക് മടങ്ങുന്നു. വരുന്ന സീസണില്‍ ഇംഗ്ലീഷ് ടെസ്റ്റ് ടീമില്‍ സ്ഥാനം പ്രതീക്ഷിക്കുന്ന യുവതാരം ദര്‍ഹാമിന് വേണ്ടി കൗണ്ടി കളിക്കാനുള്ള തീരുമാനത്തിലാണ്. തന്റെ ഇന്‍സ്റ്റഗ്രാം അക്കൗണ്ടിലൂടെയാണ് വുഡ് ഇക്കാര്യം പ്രഖ്യാപിച്ചത്.
‘അടുത്ത സീസണു വേണ്ടി തയ്യാറെടുക്കാന്‍ നാട്ടിലേക്ക് മടങ്ങുകയാണ്, വളരെ കഷ്ടപ്പെട്ടാണ് ടെസ്റ്റ് ടീമില്‍ സ്ഥാനം ലഭിക്കാനുള്ള സാഹചര്യത്തില്‍ എത്തിയിരിക്കുന്നത്’ ചെന്നൈ ഇലവനില്‍ ഇടം ലഭിക്കാത്തതിനാല്‍ നാട്ടിലേക്ക് മടങ്ങി ദര്‍ഹാമിന് വേണ്ടി കളിക്കണം, അങ്ങനെ ഇംഗ്ലീഷ് ദൗത്യത്തിന് വേണ്ടി തയ്യാറെടുക്കണം’ വുഡ് ഇന്‍സ്റ്റഗ്രാമില്‍ പോസ്റ്റ് ചെയ്തു.
ഇംഗ്ലീഷ് താരങ്ങളോട് നേരത്തെ ഐപിഎല്‍ ഒഴിവാക്കി നാട്ടിലെത്താന്‍ ക്രിക്കറ്റ് ബോര്‍ഡ് ആവശ്യപ്പെട്ടിരുന്നു. ഇതോടെ വുഡ് അതിനും മുമ്പ് നാട്ടിലേക്ക് മടങ്ങാന്‍ തീരുമാനിക്കുകയായിരുന്നു. ഇത്തവണ ഐപിഎല്‍ താരലേലത്തിലൂടെ ചെന്നൈയിലെത്തിയ വുഡിന് ആദ്യ മത്സരത്തില്‍ മത്സരത്തില്‍ മാത്രമാണ് അവസരം ലഭിച്ചത്. മുംബൈക്കെതിരെ അന്ന് വിക്കറ്റുകളൊന്നും നേടാതെ താരം 49 റണ്‍സ് വഴങ്ങിയിരുന്നു.
