കേരള ബ്ലാസ്റ്റേഴ്സ് പുതിയ ഐ എസ് എല്‍ സീസണായുള്ള തങ്ങളുടെ ഏഴാം വിദേശ സൈനിംഗും പൂര്‍ത്തിയാക്കുന്നു. സെര്‍ബിയയില്‍ നിന്നുള്ള മിഡ്ഫീല്‍ഡറായ നികോള ക്രാമറവിച് ആണ് കേരള ബ്ലാസ്റ്റേഴ്സുമായി കരാര്‍ ഒപ്പിടാന്‍ അടുത്തിരിക്കുന്നത്. താരം അഹമ്മദബാദില്‍ ഉള്ളതായും മെഡിക്കല്‍ പൂര്‍ത്തിയാക്കിയതായുന്‍ ദേശീയ മാധ്യമമായ ഗോള്‍ ഡോട്ട് കോം റിപ്പോര്‍ട്ട് ചെയ്യുന്നു.
സ്വീഡിഷ് ക്ലബായ സിറിയന്‍സ്കയില്‍ നിന്നാണ് നികോള ബ്ലാസ്റ്റേഴ്സിലേക്ക് എത്തുന്നത്. ബോക്സ് ടു ബോക്സ് മിഡ്ഫീല്‍ഡറര്‍ റോളില്‍ കളിക്കുന്ന നികോളയുടെ വരവ് കേരള ബ്ലാസ്റ്റേഴ്സിന്റെ മിഡ്ഫീല്‍ഡിലെ പ്രശ്നങ്ങള്‍ക്ക് അവസാനമാക്കും എന്നാണ് കരുതുന്നത്. ഗ്രീക്ക് ക്ലബായ പനെലെഫ്ലിനാകോസ്, സെര്‍ബിയന്‍ ക്ലബായ രാഡ്നിക്ക് തുടങ്ങിയ ക്ലബുകള്‍ക്കും കളിച്ചിട്ടുണ്ട്.
സെര്‍ബിയയുടെ അണ്ടര്‍ 19, അണ്ടര്‍ 21 ടീമുകള്‍ക്കായി കളിച്ചിട്ടുണ്ട്. സെര്‍ബിയയില്‍ നിന്നുള്ള കേരളത്തിന്റെ മൂന്നാം താരമാണ് നികോള. ലാകിച് പെസിച്, സ്ലവിസ സ്റ്റൊഹാനൊവിച് എന്നിവരും സെര്‍ബിയയില്‍ നിന്നായി ഇപ്പോള്‍ കേരളത്തിനൊപ്പം ഉണ്ട്. കേരളം ഏഴു വിദേശ താരങ്ങള്‍ എന്ന ക്വാട്ടയും ഇതോടെ പൂര്‍ത്തിയാക്കി. നികോള, ലാകിച് പെസിച്, സ്ലവിസ, സിറില്‍, കിസിറ്റോ, പെകൂസണ്‍, പൊപ്ലാനിക് എന്നിവരാണ് കേരള ബ്ലാസ്റ്റേഴ്സിലെ വിദേശ താരങ്ങള്‍.
