യെമനെയും ഗോള് മഴയില് മുക്കി ഇന്ത്യന് കുട്ടിപ്പട
യെമനെതിരെ നടന്ന അണ്ടര് 16 വാഫ് ചാമ്പ്യന്ഷിപ്പില് ഇന്ത്യയ്ക്ക് തകര്പ്പന് ജയം. എതിരില്ലാത്ത മൂന്നു ഗോളുകള്ക്കാണ് ഇന്ത്യന് കുട്ടിപ്പട യെമനെ തകര്ത്തത്. ഹര്പ്രീത് സിംഗ്, റിഡ്ജ് ഡെമെലല്ലോ, രോഹിത് ദാനു എന്നിവരാണ് ഇന്ത്യന് നിരയില് യെമന് ഗോള്വല കുലുക്കിയത്.
ആദ്യപകുതിയില് ഹര്പ്രീത് സിംഗ് നേടിയ ഗോളിലാണ് ഇന്ത്യ മുന്നിലെത്തിയത്. മുപ്പത്തിയെട്ടാം മിനുട്ടില് ഗിവ്സണ് സിംഗ് എടുത്ത കോര്ണര് കിക്കില് തല വെച്ചാണ് ഹര്പ്രീത് ഗോള് നേടിയത്. നാല്പത്തിയേഴാം മിനുട്ടില് റിഡ്ജ് ഡെമെല്ലോ രണ്ടു ഗോളും രണ്ടു മിനുട്ടിനുള്ളില് രോഹിത് ധാനു മൂന്നാം ഗോളും നേടി.
വാഫ് ടൂര്ണ്ണമെന്റില് ജപ്പാനെതിരെ മാത്രമാണ് ഇന്ത്യ ഇതുവരെ പരാജയപ്പെട്ടത്. 2-1നായിരുന്നു ആ തോല്വി. ടൂര്ണ്ണമെന്റിലെ മറ്റു മത്സരങ്ങളില് ജോര്ദാനെ 4-0ത്തിനും കരുത്തരായ ഇറാഖിനെ 1-0ത്തിനും ഇന്ത്യന് കുട്ടിപ്പട പരാജയപ്പെടുത്തി. അണ്ടര് 20 കോട്ടിഫ് കപ്പില് ഇന്ത്യ കഴിഞ്ഞ ദിവസം അര്ജന്റീനയെയും തോല്പിച്ചിരുന്നു.