അനസ് എടത്തോടികക്കും ആഷിക് കരുണി യനും ഉപദേശം ആയി ഇൻഡ്യൻ ഫുട്ബോൾ ക്യാപ്റ്റൻ സുനിൽ ഛേത്രി രംഗത്ത്.കഴിഞ്ഞമാസം മലപ്പുറത്ത് നടന്ന സെവന്‍സ് ടൂര്‍ണമെന്റില്‍ അനസ് എടത്തൊടികയും ആഷിഖ് കുരുണിയനും ബൂട്ടുകെട്ടിയിരുന്നു. പരിക്കേല്‍ക്കാന്‍ കൂടുതല്‍ സാധ്യതയുള്ള ഇത്തരം പ്രാദേശിക മത്സരങ്ങളില്‍ ദേശീയ താരങ്ങള്‍ കളിക്കുന്നതിനെതിരേ പരിശീലകര്‍ ഉള്‍പ്പെടെയുള്ളവര്‍ മുന്നറിയിപ്പ് നൽകിയിരുന്നു. ഇപ്പോള്‍ ദേശീയ നായകന്‍ സുനില്‍ ഛേത്രിയും ഇരുവര്‍ക്കും ഉപദേശവുമായി രംഗത്തുവന്നിട്ടുണ്ട്. ഒരു മാധ്യമത്തിന് നല്കിയ അഭിമുഖത്തിലാണ് ഛേത്രിയുടെ പ്രതികരണം.
ഇന്ത്യന്‍ ടീമിലെ സജീവ സാന്നിധ്യമാണ് അനസ്. ഇത്തരം ടൂര്‍ണമെന്റുകളില്‍ കളിക്കണമോയെന്നത് ഓരോരുത്തരുടെയും വ്യക്തിപരമായ തീരുമാനമാണ്. എന്നാല്‍ തന്റെ അഭിപ്രായത്തില്‍ താരങ്ങള്‍ സെവന്‍സ് ലീഗുകളില്‍ കളിക്കുന്നതില്‍ നിന്ന് മാറിനില്‍ക്കണം- ഛേത്രി പറയുന്നു. ഈ സീസണില്‍ എതിര്‍ സ്ട്രൈക്കര്‍മാരേക്കാള്‍ അനസിന് വെല്ലുവിളിയായത് പരുക്കായിരുന്നു.
ഐഎസ്എല്ലില്‍ കേവലം എട്ടു മത്സരങ്ങളില്‍ മാത്രമായിരുന്നു അനസ് ബൂട്ടുകെട്ടിയത്. സാഫ് കപ്പ്, ഏഷ്യ കപ്പ് പോലുള്ള വമ്പന്‍ മത്സരങ്ങള്‍ ഇനി വരാനിരിക്കുകയും ചെയ്യുന്നു. ഇതിനിടെയാണ് പരുക്കേല്‍ക്കാന്‍ ഏറെ സാധ്യതയുള്ള സെവന്‍സില്‍ അനസ് കളിച്ചത്. അതേസമയം അനസിന്റെയും ആഷിഖിന്റെ കളി കാണാന്‍ നിരവധി പേരാണ് സെവന്‍സ് മൈതാനങ്ങളില്‍ എത്തിയത്
