കുട്ടികള് ഇതുപോലെ വളരെ ഉത്സാഹത്തോടെയും സന്തോഷത്തോടെയും ഉത്തരമെഴുതിയ മറ്റൊരു ചോദ്യമുണ്ടാകില്ല. അതുകൊണ്ടുതന്നെ ഇത്തവണത്തെ ഇംഗ്ലീശ് പരീക്ഷയെഴുതിയ ശേഷം കുട്ടികള് വളരെ ആഹ്ലാദത്തിലായിരുന്നു
'ഇതുപോലൊരു ചോദ്യം ഞങ്ങള് ഒരിക്കലും പ്രതീക്ഷിച്ചിരുന്നില്ല. അദ്ദേഹം എന്റെ ആരാധനാപാത്രമാണ്'- മുര്ഷിധാബാദിലെ നബിപൂര് സരളബാല ഹൈസ്കൂള് വിദ്യാര്ത്ഥിയായ ഷമിന് അക്തര് പറഞ്ഞു.
'പത്ത് മാര്ക്കിന്റെ നിര്ബന്ധിത ചോദ്യമായിരുന്നു അത്. ചില പോയിന്റുകള് തന്ന് കോഹ്ലിയുടെ പ്രൊഫൈല് തയാറാക്കാനായിരുന്നു ആവശ്യപ്പെട്ടത്. പക്ഷേ പോയിന്റ്സ് ഒന്നും തന്നെ തന്നില്ലെങ്കിലും വളരെ പ്രശസ്തനായ കോഹ്ലിയെക്കുറിച്ച് ഞങ്ങള് ഇഷ്ടംപോലെ എഴുതും' -വെസ്റ്റ് മിഡ്നാപൂരിലെ മിഡ്നാപൂര് മിഷന് ഗേള്സ് സ്കൂള് വിദ്യാര്ത്ഥിനിയായ ശ്രേയ ഗോഷാല് പറഞ്ഞു.
'കോഹ്ലിക്കുറിച്ച് എഴുതാന് കഴിഞ്ഞത് വളരെ സന്തോഷത്തോടെയാണ് കാണുന്നത്. ഞങ്ങളുടെ ആരാധനാപുരുഷനായ കോഹ്ലിയെക്കുറിച്ച് എഴുതിയപ്പോള് ഞാന് ഏറെ ആനന്ദിച്ചു'- കൊല്ക്കത്തയിലെ ബാല്രാംപൂര് ഗേള്സ് ഹൈസ്കൂള് വിദ്യാര്ത്ഥിനി ഇഷ ഷാ
പറഞ്ഞു.
മുന് ക്രിക്കറ്റ് താരവും രാഷ്ട്രീയപ്രവര്ത്തകനുമായ ലക്ഷ്മി രത്തന് ശുകഌും കോഹ്ലിയെ ചോദ്യപേപ്പറില് ഉള്പ്പെടുത്തിയ എക്സാമിനേഷന് ബോര്ഡിന്റെ നടപടിയെ അഭിനന്ദിച്ചുകൊണ്ട് രംഗത്തെത്തിയിരുന്നു