അഞ്ചാം എഡിഷൻ ഇന്ത്യൻ സൂപ്പർ ലീഗിലെ തങ്ങളുടെ ആദ്യ രണ്ട് മത്സരങ്ങളിലും മികച്ച പ്രകടനമാണ് മലയാളി മധ്യനിരതാരം സഹൽ അബ്ദുൾസമദ് കാഴ്ച വെച്ചത്. രണ്ട് മത്സരങ്ങളിലുമായി ഇതിനോടകം 116 മിനുറ്റുകൾ കളിച്ച സഹൽ ഫുട്ബോൾപ്രേമികളുടെ നിറഞ്ഞ കൈയ്യടിയാണ് ഇരു മത്സരങ്ങളിലും വാങ്ങിയത്. പരിശീലകൻ ഡേവിഡ് ജെയിംസിനും സഹലിനെക്കുറിച്ച് പറയുമ്പോൾ നൂറു നാവ്.
സഹൽ, എ ടി കെയ്ക്കെതിരായ ആദ്യ മത്സരത്തിന്റെ ആദ്യ ഇലവനിൽ ഉണ്ടായിരുന്നു. പ്രീസീസണിലെ അദ്ദേഹത്തിന്റെ പ്രകടനമാണ് ഇതിന് കാരണം. ഇത്തവണ രണ്ട് മത്സരങ്ങൾ കഴിഞ്ഞപ്പോളേക്കും, കഴിഞ്ഞ സീസണിൽ മൊത്തം കളിച്ചതിനേക്കാൾ കൂടുതൽസമയം അവൻ കളത്തിലിറങ്ങി. വളരെയധികം കഴിവുകളുള്ള താരമാണ് സഹൽ.
ഇനിയും അദ്ദേഹത്തിൽ നിന്ന് ഒത്തിരി മികച്ച പ്രകടനം വരാനുണ്ട്‌. അവൻ ചെറുപ്പമാണ്, എന്നാൽ പ്രായമല്ല ഒരാളുടെ ടീം സെലക്ഷന്റെ മാനദണ്ഡം പരിശീലനത്തിലും കളിയിലും ഒരാൾ എങ്ങനെയാണെന്നത് മാത്രം നോക്കിയാണ് ടീം സെലക്ഷ‌ൻ നടത്തുന്നത്, വരും മത്സരങ്ങളിൽ കൂടുതൽ അവസരങ്ങൾ സഹലിന് നൽകും”. ജെയിംസ് പറഞ്ഞുനിർത്തി.
