ഇന്ത്യന്‍ യുവതാരങ്ങളുടെ മികവ് വര്‍ധിപ്പിക്കാന്‍ വേണ്ടി എ ഐ എഫ് എഫ്, ഐ ലീഗില്‍ അണിനിരത്തുന്ന ഡെവലപ്‌മെന്റ് ടീമാണ് ഇന്ത്യന്‍ ആരോസ്. ആരോസിനെ കൂടുതല്‍ മികവിലേക്ക് ഉയര്‍ത്താന്‍ ഡെംപോ ഗോവയെ കൂട്ടുപിടിക്കാന്‍ ഒരുങ്ങുകയാണ് എ ഐ എഫ് എഫ്.
ഐ ലീഗിലും നാഷണല്‍ ഫുട്‌ബോള്‍ ലീഗിലും സംയുക്തമായി ഏറ്റവുമധികം കിരീടവിജയം സ്വന്തമാക്കിയ ഡെംപോ കഴിഞ്ഞ രണ്ടു വര്‍ഷമായി ഐ ലീഗില്‍ കളിക്കുന്നില്ല. ഐ എസ് എല്ലിലെ രാജ്യത്തെ ഏറ്റവും വലിയ ലീഗാക്കാന്‍ നടന്ന ശ്രമങ്ങളില്‍ പ്രതിഷേധിച്ച് അവര്‍ പിന്മാറിയിരിക്കുകയാണ്. ഈ സാഹചര്യത്തിലാണ് ഡെംപോയെ വീണ്ടും ഐ ലീഗിലേക്ക് കൊണ്ടു വരാനും ഇന്ത്യന്‍ ആരോസിന്റെ സ്‌പോണ്‍സര്‍ഷിപ്പ് ഏറ്റെടുപ്പിക്കാനും ഫുട്‌ബോള്‍ ഫെഡറേഷന്റെ നീക്കം.
എ ഐ എഫ് എഫ് പ്രസിഡന്റ് ഇക്കാര്യം ശ്രീനിവാസ് ഡെംപോയുമായി ചര്‍ച്ച നടത്തിയെന്ന് വിവിധ മാധ്യമങ്ങള്‍ റിപ്പോര്‍ട്ട് ചെയ്യുന്നുണ്ട്. എന്നാല്‍ ഇതുമായി ബന്ധപ്പെട്ട് ചര്‍ച്ചകളൊന്നും നടന്നില്ലെന്നും ആരോസിന്റെ വളര്‍ച്ചയ്ക്ക് വേണ്ടി ആരെങ്കിലും പങ്കാളിയാവുകയാണെങ്കില്‍ അതില്‍ സന്തോഷമുണ്ടെന്നും എ ഐ എഫ് എഫ് ജനറല്‍ സെക്രട്ടറി കുശാല്‍ ദാസ് വ്യക്തമാക്കി.
No comments:
Post a Comment