പുതിയ താരത്തെ ടീമിലെത്തിച്ച് കേരള ബ്ലാസ്റ്റേഴ്സ്.
ഇന്ത്യന് സൂപ്പര് ലീഗ് നാലാം സീസണില് പ്ലേ ഓഫ് കാണാതെ പുറത്തായ കേരള ബ്ലാസ്റ്റേഴ്സ് വരും സീസണുകളില് മികച്ച ടീമിനെ പടുത്തുയര്ത്താനുള്ള നീക്കത്തിലാണ്. നേരത്തെ നോര്ത്ത് ഈസ്റ്റ് താരങ്ങളായ ഹോളിചരണ് നര്സാരിയെയും സെമിന്ലന് ഡംഗലിനെയും ബ്ലാസ്റ്റേഴ്സ് ടീമിലെത്തിച്ചതായി റിപ്പോര്ട്ടുകള് വന്നിരുന്നു.
ഇപ്പോഴിതാ, സീസണില് ഡല്ഹി ഡൈനാമോസിന് വേണ്ടി കളിച്ച മണിപ്പൂര് മധ്യനിര താരം സെയ്ത്യാസെന് സിംഗുമായി ബ്ലാസ്റ്റേഴ്സ് കരാറിലെത്തിയിരിക്കുകയാണ്. ഗോള്.കോമാണ് ഇക്കാര്യം റിപ്പോര്ട്ട് ചെയ്തത്. രണ്ടു വര്ഷത്തെ കരാറാണ് 26കാരനായ താരവുമായി ബ്ലാസ്റ്റേഴ്സ് ഒപ്പിട്ടിരിക്കുന്നത്. ഏകദേശം 80 ലക്ഷം രൂപയുടെ വാര്ഷിക പ്രതിഫലമാണ് താരത്തിന് ബ്ലാസ്റ്റേഴ്സ് നല്കാനിരിക്കുന്നത്. സീസണില് ഡല്ഹിക്കായി 11 മത്സരങ്ങള് കളിച്ച താരം ഒരു ഗോളും മൂന്നു അസിസ്റ്റുകളുമാണ് സ്വന്തം പേരിലാക്കിയത്. കഴിഞ്ഞ സീസണില് നോര്ത്ത് ഈസ്റ്റ് യുണൈറ്റഡിനായി കളിച്ച സെയ്ത്യാസെന് സിംഗ് ഇന്ത്യന് ദേശീയ ടീം ജേഴ്സിയും അണിഞ്ഞിട്ടുണ്ട്.
നേരത്തെ കോച്ച് ഡേവിഡ് ജെയിംസുമായും പ്രതിരോധതാരം ലാല്റുവാത്താരയുമായും ബ്ലാസ്റ്റേഴ്സ് കരാര് നീട്ടിയിരുന്നു. ഐ എസ് എല്ലില് ആറാം സ്ഥാനത്താണ് ഫിനിഷ് ചെയ്തതെങ്കിലും നടക്കാനിരിക്കുന്ന സൂപ്പര് കപ്പിന് വേണ്ടിയുള്ള മുന്നൊരുക്കത്തിലാണ് കേരള ബ്ലാസ്റ്റേഴ്സ്. ഏപ്രില് ഏഴിന് ഐ ലീഗിലെ രണ്ടാം സ്ഥാനക്കാരായ നെറോക്ക എഫ് സിയുമായാണ് ബ്ലാസ്റ്റേഴ്സിന്റെ സുപ്പര് കപ്പ് പ്രീ ക്വാര്ട്ടര് മത്സരം.
No comments:
Post a Comment