അവസാന ഓവര്‍വരെ ആവേശം നിറഞ്ഞുനിന്ന മത്സരത്തില്‍ മുംബൈ ഇന്ത്യന്‍സിന് 13 റണ്‍സ് ജയം. കൃണാല്‍ പാണ്ഡ്യ എറിഞ്ഞ അവസാന ഓവറില്‍ കൊല്‍ക്കത്തയ്ക്ക് വേണ്ടിയിരുന്നത് 23 രണ്‍സായിരുന്നു. ആദ്യ ബോളില്‍ ബൗണ്ടറി കണ്ടെത്തിയ കൊല്‍ക്കത്ത ബാറ്റ്‌സ്മാന്‍ രണ്ടാമത്തെ ബോളില്‍ രോഹിത് ശര്‍മയ്ക്ക് ക്യാച് നല്‍കി മടങ്ങുകയായിരുന്നു. അതോടെ കൊല്‍ക്കത്ത തോല്‍വി മണത്തു. പിന്നീട് റണ്‍സിനായി നായകന്‍ ദിനേശ് കാര്‍ത്തിക് ശ്രമിച്ചുവെങ്കിലും പരാജയപ്പെടുകയായിരുന്നു.
മൂന്നാം വിക്കറ്റില്‍ ഉത്തപ്പയും റാണയും ചേര്‍ന്നപ്പോള്‍ കൊല്‍ക്കത്ത പ്രതീക്ഷയിലായിരുന്നു. എന്നാല്‍ 59 റണ്‍സെടുത്ത ഉത്തപ്പ പോയതിനു ശേഷം കൊല്‍ക്കത്തയ്ക്ക് റണ്‍റേറ്റ് ഉയര്‍ത്താന്‍ സാധിച്ചില്ല. തൊട്ടുപിന്നാലെ 31 രണ്‍സെടുത്ത റാണയും 9 രണ്‍സെടുത്ത റസ്സലും മടങ്ങി. 36 രണ്‍സെടുത്ത നായകന്‍ ദിനേശ് കാര്‍ത്തിക്കിന്റെ ഇന്നിംഗ്‌സ് മതിയാവുകയില്ലായിരുന്നു കൊല്‍ക്കത്തയുടെ ജയത്തിന്.
മുംബൈയ്ക്കു വേണ്ടി ഹാര്‍ദിക് പാണ്ഡ്യ രണ്ടും കൃണാല്‍,മാര്‍ക്കണ്ഡെ,ഭൂംറ,മക്ലെനന്‍ എന്നിവര്‍ ഓരോ വിക്കറ്റുമ വീഴ്ത്തി. മുംബൈയുടെ നാലാമത്തെ ജയമാണിത്
No comments:
Post a Comment