തുടർച്ചായ മൂന്നാം വിജയത്തോടെ കേരളം സന്തോഷ് ട്രോഫി സെമി ഫൈനലില് പ്രവേശിച്ചു.. എതിരില്ലാത്ത മൂന്ന് ഗോളിന് മഹാരാഷ്ട്രയെ തകര്ത്താണ് കേരളം സെമി ഫൈനലില് കടന്നത്.
ക്യാപ്റ്റൻ രാഹുൽ രാജ് 23ആം മിനിറ്റിൽ പെനാൽറ്റിയിലൂടെ കേരളത്തിന് ആദ്യ ഗോൾ നേടി . ആദ്യ പകുതിക്ക് മുൻപായി 38ആം മിനിറ്റിൽ ജിതിൻ എം എസ് കേരത്തിന് രണ്ടാം ഗോൾ നേടി കൊടുത്തു . രണ്ട് ഗോളിന്റെ ലീഡിൽ രണ്ടാം പകുതിയിൽ ഇറങ്ങിയ കേരളം രാഹുൽ കെ പി യിലൂടെ 57ആം മിനിറ്റിൽ മൂന്നാമത്തെ തവണ മഹാരാഷ്ട്രയുടെ വല കുലുക്കി .ഇഞ്ചുറി ടൈമിൽ കേരളത്തിന് നാലാം ഗോൾ നേടാനുള്ള അവസരം അഫ്ദൽ വി കെ നഷ്ടപ്പെടുത്തി . മൂന്ന് മത്സരങ്ങൾ ജയിച്ച് കേരളം ഇതോടെ സെമി ഉറപ്പിച്ചു .
മാർച്ച് 27ന് കേരളം ഗ്രൂപിലെ അവസാന മത്സരത്തിൽ ബംഗാളിനെ നേരിടും. ഈ മത്സരം കേരളത്തെ ബാധിക്കില്ല എങ്കിലും ഒരു തോൽവി പോലും വഴങ്ങാതെ സെമി ഫൈനലില് പ്രവേശിക്കുക എന്നതാണ് കേരള ടീമിന്റെ ലക്ഷ്യം.
No comments:
Post a Comment