മുന്‍ മാഞ്ചസ്റ്റര്‍ യുണൈറ്റഡ് താരവും കേരള ബ്ലാസ്റ്റേഴ്സ് താരവുമായ ഡിമിറ്റാര്‍ ബെര്‍ബറ്റോവ് അഭിനയ രംഗത്തേക്ക് കടക്കുന്നു. തന്റെ നാടായ ബള്‍ഗേറിയയിലെ ഒരു ആക്ഷന്‍ സിനിമയിലൂടെയാണ് ബെര്‍ബ അഭിനയ രംഗത്തേക്ക് കാലെടുത്ത് വെക്കുന്നത്. റവല്യൂഷന്‍ എക്സ് എന്നു പേരിട്ടിരിക്കുന്ന സിനിമയില്‍ ഒരു ഡോണിന്റെ വേഷത്തിലാണ് ബെര്‍ബ എത്തുക.
2014ല്‍ ആണ് സിനിമയില്‍ അഭിനയിക്കാന്‍ ബെര്‍ബ തീരുമാനിച്ചത്. സിനിമയുടെ ട്രെയിലര്‍ നേരത്തെ തന്നെ പുറത്തുവന്നിരുന്നു. മെയ് 11ന് റിലീസ് ചെയ്യുന്ന ചിത്രത്തിന്റെ പുതിയ പോസ്റ്ററുകളാണ് ഇപ്പോള്‍ സോഷ്യല്‍ മീഡിയയില്‍ ട്രെന്‍ഡ് ആയിരിക്കുന്നത്. ഫുട്ബോള്‍ കളി നിര്‍ത്തി ഫുട്ബോള്‍ മാനേജ്മെന്റിലേക്ക് വരാന്‍ ഒരുങ്ങുന്നതിനിടയിലാണ് ബെര്‍ബറ്റോവ് സിനിമയിലും ഒരു കൈ നോക്കുന്നത്. നേരത്തന്നെ ഹോളിവുഡിലെ പ്രസിദ്ധമായ സിനിമ ഗോഡ് ഫാദറിന്റെ മൂന്നാം ഭാഗത്തിലെ ആന്‍ഡി ഗാര്‍സിയയുമായി ബെര്‍ബറ്റോവിനെ താരതമ്യപെടുത്താറുണ്ടായിരുന്നു. അത് അറിഞ്ഞു കൊണ്ടാകണം ഒരു മാഫിയ ലീഡര്‍ റോളില്‍ തന്നെ ബെര്‍ബ തന്റെ അരങ്ങേറ്റം കുറിക്കുന്നതും.
Saturday 5 May 2018
ബെര്‍ബറ്റോവിന്റെ കളി ഇനി സിനിമയിൽ
Subscribe to:
Post Comments (Atom)
No comments:
Post a Comment