കേരളത്തില് കനത്ത മഴയും കാറ്റും ആഞ്ഞടിക്കാന് സാധ്യതയുണ്ടെന്ന വാര്ത്തകള്ക്കിടയിലാണ് മുംബൈ സിറ്റി നെടുമ്പാശേരിയില് വിമാനം ഇറങ്ങിയത്. സാധാരണ പ്രകൃതിക്ഷോഭങ്ങള് നടന്ന സ്ഥലങ്ങളില് മത്സരം നടന്നാല് ഗ്യാലറികള് ശുഷ്കമായിരിക്കും. എന്നാല് കൊച്ചി നെഹ്റു സ്റ്റേഡിയത്തിലെത്തിയ മുംബൈ ടീം അക്ഷരാര്ഥത്തില് ഞെട്ടി. കളിക്കിടെ ഇംഗ്ലീഷ് കമന്റേറ്റര്മാരും ഫുട്ബോളിനെ പ്രണയിക്കുന്ന ഈ ജനത തങ്ങളെ ഞെട്ടിച്ചെന്ന് തുറന്നുപറഞ്ഞു.
കേരളത്തില് പലയിടത്തും അത്യാവശ്യം നല്ലരീതിയില് മഴ പെയ്തിരുന്നു. ഈ കനത്ത മഴയെയും മോശം കാലവസ്ഥയെയും റോഡിലെ അപകടങ്ങളെയുമെല്ലാം അവഗണിച്ചായിരുന്നു ആരാധകര് നെഹ്റു സ്റ്റേഡിയത്തിലേക്ക് ഒഴുകിയെത്തിയത്. മുന്വര്ഷങ്ങളെ അപേക്ഷിച്ച് ബ്ലാസ്റ്റേഴ്സ് ആരാധകര് കൂടുതല് സംഘടിതരാകുന്ന കാഴ്ചയ്ക്കാണ് ആദ്യ മത്സരം സാക്ഷ്യംവഹിച്ചത്.
കൃത്യമായ ആസൂത്രണത്തോടെയുള്ള നീക്കങ്ങളാണ് ഗ്യാലറിയില് കണ്ടത്. ടീമിന്റെ ഉണര്ത്തുപാട്ടിലും ഇടയ്ക്കു മൊബൈല് തെളിച്ച് ആവേശം പങ്കിടുമ്പോഴും ഒരേ താളം ഒരേ ഭാവം, ബ്ലാസ്റ്റേഴ്സ്. പ്രളയത്തില് വിറങ്ങലിച്ച ഒരു ജനതയ്ക്ക് തിരിച്ചുവരാനുള്ള മരുന്നുകൂടിയായാണ്.
ഫുട്ബാൾ എന്നത് ജയം മാത്രമല്ല അത് ആസ്വാദകരെ ത്രിപ്തിപ്പെടുത്തുന്ന ഒരു കലയാണ് അതിൽ നമ്മുടെ ടീം ഒരു 70%ത്തോളം വിജയിച്ചു എന്നു തന്നെ പറയാം അതിൽ ജയവും പരാജയവും സമനിലയും ഉണ്ടാകാം. സ്ഥിരമായി ജയിച്ചവരായി ആരുമുണ്ടാകില്ല. ഇനിയും നല്ല പ്രകടനങ്ങളും വിജയവും നമ്മുടെ ടീമിൽനിന്നും പ്രതീക്ഷിക്കാം
