ട്യൂറിന്‍: ലോകംകണ്ട മികച്ച ഗോള്‍കീപ്പര്‍മാരില്‍ ഒരാളായ ഗ്യാന്‍ ല്യൂയിജി ബഫണ്‍ വീണ്ടും ഇറ്റലിയുടെ വലകാക്കും. ലോകകപ്പ്‌ ഫുട്‌ബോളിനു മുന്നോടിയായി ഇംഗ്ലണ്ടിനും അര്‍ജന്റീനയ്‌ക്കുമെതിരായ സൗഹൃദ മത്സരത്തിലാണ്‌ ബഫണ്‍ ഇറ്റാലിയന്‍ ജഴ്‌സിയണിയുക.
ഇറ്റലിയുടെ ഇടക്കാല പരിശീലകന്‍ ല്യുയിജി ഡി ബിയാജിയോയുടെ ആവശ്യപ്രകാരമാണ്‌ ബഫണിന്റെ മടങ്ങിവരവ്‌.
ഇറ്റലിക്ക്‌ റഷ്യയില്‍ നടക്കുന്ന ലോകകപ്പിന്‌ ടിക്കറ്റ്‌ ലഭിച്ചിരുന്നില്ല. സ്വീഡനെതിരായ യോഗ്യതാ മത്സരത്തില്‍ തോറ്റ്‌ ഇറ്റലി പുറത്താകുകയായിരുന്നു. ഇതിനു പിന്നാലെ ബഫണ്‍ രാജ്യാന്തര കരിയറിന്‌ വിരാമമിട്ടിരുന്നു.
ഈ മാസം 23-നും 27-നുമണ്‌ ഇറ്റലിയുടെ സൗഹൃദ മത്സരങ്ങള്‍. വിരമിക്കല്‍ പ്രഖ്യാപനത്തില്‍ സൗഹൃദ മത്സരത്തില്‍ കളിക്കുന്നതിനെക്കുറിച്ച്‌ ബഫണ്‍ സൂചന നല്‍കിയിരുന്നു. സൗഹൃദ മത്സരത്തില്‍ കളിക്കു ശേഷം അദ്ദേഹത്തിന്‌ ഉചിതമായ യാത്രയയപ്പ്‌ നല്‍കാനാണ്‌ തീരുമാനം.
No comments:
Post a Comment