വനിതാ ഫുട്‌ബോളില്‍ ഗോള്‍മഴയുമായി ഇന്ത്യ; നേടിയത് 12 ഗോളുകള്‍..
സാഫ് അണ്ടര്‍ 15 ഫുട്‌ബോള്‍ ടൂര്‍ണ്ണമെന്റ് മത്സരത്തില്‍ ശ്രീലങ്കയ്‌ക്കെതിരെ ഗോള്‍മഴ തീര്‍ത്ത് ഇന്ത്യ. എതിരില്ലാത്ത 12 ഗോളുകള്‍ക്കാണ് ഇന്ത്യന്‍ പെണ്‍കുട്ടികള്‍ ലങ്കയെ തകര്‍ത്തത്. കളി തുടങ്ങി ഒന്നാം മിനുട്ടില്‍ തുടങ്ങിയ ഗോളടി, അവസാന മിനുട്ടിലാണ് ഇന്ത്യ അവസാനിപ്പിച്ചത്.
ക്യാപ്റ്റന്‍ ഷില്‍കി ദേവി ഇന്ത്യയ്ക്ക് വേണ്ടി ഹാട്രിക്ക് നേടി. 1, 20, 44 മിനുട്ടുകളിലായിരുന്നു ഷില്‍കിയുടെ ഗോളുകള്‍. ആദ്യ പകുതിയില്‍ ആറു ഗോളിന് മുന്നിലായിരുന്നു ഇന്ത്യ. ലിന്‍ഡ കോം (6ാം മിനുട്ട്), അവിക സിംഗ് (13, 58) സുനിത മുണ്ഡ (42, 79), ക്രിതിനി ദേവി (47), കിരണ്‍ (72), അഞ്ജു (87, 90). 13ന് ഭൂട്ടാനെതിരെയാണ് ഇന്ത്യയുടെ അടുത്ത മത്സരം.
No comments:
Post a Comment