ഗൌതം ഗംഭീറിന് ഇത്തവണ നിരാശയുടെ ഐപിഎല്ലാണ് കടന്നു പൊയ്‌ക്കൊണ്ടിരിക്കുന്നത്. കൊല്‍ക്കത്ത നൈറ്റ്‌റൈഡേഴ്‌സില്‍ നിന്ന് ഏറെ പ്രതീക്ഷയോടെ ഡെല്‍ഹി ഡെയര്‍ഡെവിള്‍സിലെത്തി എങ്കിലും കാര്യമായി തിളങ്ങാനായില്ല. ടീമും പ്രതീക്ഷയ്‌ക്കൊത്ത പ്രകടനം നടത്താതെ ഇരുന്നതോടെ ക്യാപ്റ്റന്‍ സ്ഥാനവും രാജിവയ്‌ക്കേണ്ടി വന്നു. എന്നാല്‍ ഐപിഎല്ലിലെ ഒരു റിക്കാര്‍ഡ് ഇപ്പോഴും ഗംഭീറിന്റെ പേരില്‍ തന്നെയാണ്.
ലീഗില്‍ ഏറ്റവുമധികം ബൗണ്ടറികള്‍ നേടിയ താരമെന്ന നേട്ടമാണ് ഈ ഇടംകൈയന് സ്വന്തം. 154 മത്സരത്തില്‍ നിന്ന് 491 തവണയാണ് ഗംഭീര്‍ പന്ത് അതിര്‍ത്തി കടത്തിയത്. മറ്റു താരങ്ങളെല്ലാം ഗംഭീറിന്റെ പിന്നിലാണ് ഇക്കാര്യത്തില്‍. രണ്ടാം സ്ഥാനത്തുള്ള ശിഖര്‍ ധവാന്‍ 134 കളികളില്‍ നിന്ന് നേടിയത് 427 ബൗണ്ടറികള്‍.
ചെന്നൈയുടെ സുരേഷ് റെയ്‌നയാണ് മൂന്നാം സ്ഥാനത്ത്. 167 മത്സരങ്ങളില്‍ 424 തവണ ബൗളര്‍മാരെ അതിര്‍ത്തി കടത്താന്‍ റെയ്‌നയ്ക്കായി. സിക്‌സറുകള്‍ അടിച്ചുകൂട്ടുന്നതില്‍ മത്സരിക്കുന്ന ക്രിസ് ഗെയ്ല്‍ പക്ഷേ പട്ടികയില്‍ ഏറെ പിന്നിലാണ്. 308 ബൗണ്ടറികളുമായി പത്താം സ്ഥാനത്താണ് കരീബിയന്‍ താരം. എന്നാല്‍ 105 കളികളില്‍ നിന്ന് 288 തവണ പന്ത് ആകാശത്തു കൂടെ പറത്താന്‍ ഗെയ്‌ലിന് സാധിച്ചിട്ടുണ്ട്.
No comments:
Post a Comment