ഇന്ത്യന് യുവനിരയെ പ്രശംസിച്ച് അര്ജന്റൈന് ഇതിഹാസം...
അര്ജന്റീനാ അണ്ടര് 20 ടീമിനെ പരാജയപ്പെടുത്തിയ ഇന്ത്യന് യുവനിരയെ പ്രശംസിച്ച് ഇതിഹാസതാരം പാബ്ലോ അയ്മര്. സ്പെയിനില് നടന്ന കോട്ടിഫ് കപ്പിലാണ് ഇന്ത്യ അര്ജന്റീനയെ 2-1ന് പരാജയപ്പെടുത്തിയത്. ഇന്ത്യയോട് തോറ്റെങ്കിലും കോട്ടിഫ് കപ്പില് അര്ജന്റീന കിരീടം നേടിയിരുന്നു. സ്പെയിനില് അര്ജന്റീനാ അണ്ടര് 20 ടീമിനൊപ്പം ടെക്ക്നിക്കല് ഡയറക്ടറായി പാബ്ലോ അയ്മറും ഉണ്ടായിരുന്നു.
‘ ഇന്ത്യയുടെ മറ്റു ഏജ് ഗ്രൂപ്പ് ടീമുകളുമായി കളിക്കാന് ഞങ്ങള്ക്ക് താല്പ്പര്യമുണ്ട്, ഞങ്ങള്ക്കെതിരെ ഇന്ത്യന് യുവതാരങ്ങള് മികച്ച പ്രകടനമാണ് നടത്തിയത്, വിജയിക്കാനുള്ള ആവേശമുണ്ടായിരുന്നു അവരുടെ കളിയില്’ – അര്ജന്റീനക്ക് വേണ്ടി 52 മത്സരങ്ങള് കളിച്ച് 8 ഗോളുകള് നേടിയ അയ്മര് പറഞ്ഞു. ഇന്ത്യന് ദേശീയ ടീമിനെതിരെ സമീപഭാവിയില് അര്ജന്റീനയിലോ ഇന്ത്യയിലോ വെച്ച് കളിക്കാന് തയ്യാറാണെന്നും അയ്മര് കൂട്ടിച്ചേര്ത്തു.
കോട്ടിഫ് കപ്പില് അണ്ടര് 20 ടീമിനെ പരിശീലിപ്പിച്ച ലയണല് സ്കലോനിയും ഇന്ത്യയെ പ്രശംസിച്ച് രംഗത്ത് വന്നു. രണ്ടു താരങ്ങളുടെ പേരെടുത്ത് പറഞ്ഞാണ് സ്കലോനി മത്സരത്തെ കുറിച്ച് സംസാരിച്ചത്. ‘ ഇന്ത്യന് ക്യാപ്റ്റന് അമര്ജിത്ത് ഞങ്ങള്ക്കെതിരെ മികച്ച രീതിയിലാണ് കളിച്ചത്, അതു പോലെ തന്നെ മൗര്ഷിയക്കെതിരെ ജീക്സണ് സിംഗും നല്ല കളിയാണ് പുറത്തെടുത്തത്. നിലവില് അര്ജന്റീനാ സീനിയര് ടീമിന്റെ താല്ക്കാലിക പരിശീലക ചുമതല സ്കലോനിക്കും അയ്മറിനും നല്കിയിരിക്കുകയാണ് ഫുട്ബോള് ഫെഡറേഷന്
