ഇന്ത്യന് സൂപ്പര് ലീഗ് നാലാം സീസണില് മുംബൈ സിറ്റി എഫ് സി താരമായിരുന്നു രാജു ഗെയ്ക്ക്വാദിനെ ജംഷഡ്പൂര് എഫ് സി സ്വന്തമാക്കിയതായി റിപ്പോര്ട്ട്. അടുത്ത സീസണില് ഗെയ്ക്ക്വാദ് ജംഷഡ്പൂര് പ്രതിരോധത്തില് കളിക്കുമെന്ന് ഗോള്.കോമാണ് റിപ്പോര്ട്ട് ചെയ്തത്.
27കാരനായ താരം ഈ സീസണില് 15 മത്സരങ്ങളാണ് മുംബൈയ്ക്ക് വേണ്ടി കളത്തിലിറങ്ങിയത്. ഒരു അസിസ്റ്റും ഗെയ്ക്ക്വാദ് സ്വന്തം പേരിലാക്കി. എന്നാല് സീസണില് പ്രതീക്ഷിച്ചത്ര മികച്ച പ്രകടനമായിരുന്നില്ല മുംബൈ സിറ്റിയുടേത്. 18 കളികളില് നിന്ന് 7 വിജയം നേടിയ അവര് ലീഗ് പട്ടികയില് ഏഴാം സ്ഥാനത്തായിരുന്നു. ലീഗിലെ പുതുമുഖങ്ങളായിരുന്ന ജംഷഡ്പൂര് എഫ് സിയാകട്ടെ, അഞ്ചാം സ്ഥാനത്തെത്തുകയും ചെയ്തു.
അടുത്ത സീസണിലേക്ക് മികച്ച താരങ്ങളെ ടീമിലെത്തിക്കാന് വേണ്ടിയാണ് ഇരുടീമുകളും ശ്രമിച്ച് കൊണ്ടിരിക്കുന്നത്. മുന് പൈലന് ആരോസ് താരമായ രാജു ഗെയ്ക്ക്വാദ് നേരത്തെ ഐ എസ് എല്ലില് എഫ് സി ഗോവക്ക് വേണ്ടിയും മോഹന് ബഗാന്, ഈസ്റ്റ് ബംഗാള് തുടങ്ങിയ ഐ ലീഗ് ക്ലബുകള്ക്ക് വേണ്ടിയും ബൂട്ട് കെട്ടിയിട്ടുണ്ട്. ഇന്ത്യന് ദേശീയ ടീമില് 23 മത്സരങ്ങളും താരം കളിച്ചിട്ടുണ്ട്.
No comments:
Post a Comment