അനസ് എടത്തൊടികക്ക് വിലക്കും പിഴയും ചുമത്തി ഇന്ത്യന്‍ ഫുട്ബോള്‍ ഫെഡറേഷന്‍ നടപടി ...
സൂപ്പര്‍ കപ്പ് ക്വാര്‍ട്ടര്‍ ഫൈനലില്‍ എഫ് സി ഗോവയും ജംഷദ്പൂര്‍ എഫ് സിയും തമ്മില്‍ നടന്ന മത്സരത്തിനിടെ ഉടലെടുത്ത കയ്യാംകളിക്ക് എ ഐ എഫ് എഫിന്റെ വക കൂടുതല്‍ നടപടികള്‍. എഫ് സി ഗോവയ്ക്ക് അന്ന് ഒരു ഗോള്‍ നിഷേധിച്ചതിനെ തുടര്‍ന്നുണ്ടായ ടണല്‍ സംഘട്ടനത്തില്‍ ആറു താരങ്ങള്‍ ചുവപ്പ് കാര്‍ഡ് കണ്ട് പുറത്തു പോയിരുന്നു. ആ താരങ്ങള്‍ക്കും ഒപ്പം ജംഷദ്പൂരിന്റെ ഗോള്‍കീപ്പിംഗ് കോച്ചിനും എതിരെയാണ് ഇപ്പോള്‍ നടപടികള്‍ വന്നിരിക്കുന്നത്.
അനസ് എടത്തൊടിക, സുബ്രതാ പോള്‍, കെര്‍വന്‍സ് ബെല്‍ഫോര്‍ട്ട് എന്നീ ജംഷദ്പൂര്‍ താരങ്ങള്‍ക്കും റോബേര്‍ട്ട് എന്ന ജംഷദ്പൂരിന്റെ ഗോള്‍ കീപ്പിംഗ് കോച്ചിനും , സെര്‍ജി ജസ്റ്റെ, ബ്രൂണോ, ബ്രാണ്ടന്‍ ഫെര്‍ണാണ്ടസ് എന്നെ ഗോവ താരങ്ങള്‍ക്കും രണ്ടു മത്സരങ്ങളില്‍ നിന്ന് വിലക്കാണ് വിധിച്ചിരിക്കുന്നത്. ചുവപ്പ് കാര്‍ഡിന് കിട്ടുന്ന സ്വാഭാവിക സസ്പെന്‍ഷനു പുറമെ ആകും ഈ രണ്ടു മത്സരങ്ങളിലെ വിലക്ക്.
ഇതുകൂടാതെ അനസ് എടത്തൊടികയ്ക്കും ഗോള്‍കീപ്പിംഗ് കോച്ച്‌ റോബേര്‍ട്ട് ആന്‍ഡ്രുവിനും ഒരു ലക്ഷം രൂപ പിഴയും ഉണ്ട്. ഇരുവരും എതിര്‍താരങ്ങളെ ആക്രമിക്കാന്‍ ശ്രമിച്ചതിനും സസ്പെന്‍ഷന്‍ സ്വീകരിക്കാന്‍ അനസ് തയ്യാറാകാത്തതിനും ആണ് ഈ ഒരു ലക്ഷം രൂപയുടെ പിഴ. പിഴ ഏഴു ദിവസം കൊണ്ട് അടയ്ക്കണം.
No comments:
Post a Comment