ഏഷ്യാൻ കപ്പ് ഇന്ത്യയെ കാത്തിരിക്കുന്നത് ചരിത്രം. ഇന്ന് ഇന്ത്യ കിർഗിസ്ഥാനെ നേരിടു൦.

ഏഷ്യന്‍ കപ്പ് യോഗ്യതാ മത്സരം ഇന്ന് ഇന്ത്യ കിർഗിസ്ഥാനെ നേരിടു൦. ഇന്നത്തെ മത്സരം കൂടി ജയിക്കാന്‍ കഴിഞ്ഞാല്‍ ഇന്ത്യയെ കാത്തിരിക്കുന്നത് പല റെക്കോഡുകൾ.

അവസാന ഗ്രൂപ്പ് മത്സരത്തിൽ കിർഗിസ്ഥാനെ തോല്പിക്കാൻ തന്നെ ആവും ഇന്ത്യ ഇന്ന് ബൂട്ടണിയുന്നത്. 13 പോയിന്റ് നേടി ഒന്നാം സ്ഥാനക്കാരായ ഇന്ത്യക്ക് മത്സര ഫലം അപ്രസക്തമാണേലു൦ ജയിക്കുക വഴി തുടർച്ചയായ 13 മത്സരം തോൽക്കാതെ എന്ന റെക്കോഡ് ഇന്ത്യക്ക് സ്വന്തം. കൂടാതെ റാങ്കില്‍ ചരിത്ര പരമായ നേട്ടം കൈവരിക്കും . നിലവില്‍ 99ാം സ്ഥാനക്കാരാണ് ഇന്ത്യ. ഇന്നത്തെ ജയ൦ 82ാം സ്ഥാന൦ എന്ന ചരിത്ര നേട്ടത്തിൽ എത്തിക്കും.

സുനില്‍ ചേത്രി ഇല്ലാതെയാണ് ഇന്ന് ഇറങ്ങുന്നത് എന്നത് ചെറിയ ആശങ്ക ഉളവാക്കുന്നു. കഴിഞ്ഞ കിർഗിസ്ഥാനുമായുള്ള മത്സരം സുനില്‍ ചേത്രിയുടെ ഒരു ഗോളിനാണ് ജയിച്ചത്. എന്നാല്‍ isl ൽ കഴിവ് തെളിയിച്ച പുതിയ താരങ്ങളുടെ പ്രതീക്ഷയിലാണ് ഇന്ത്യ ഇറങ്ങുന്നത്. മത്സരം വൈകിട്ട് 3.30 ന് സ്റ്റാര്‍ സ്പോർട്സ് 2, എച്ച് ഡി 2, ചാനലുകളില് തത്സമയ സപ്രേക്ഷണ൦ ഉണ്ടാവു൦.