കൊൽക്കത്ത∙ സന്തോഷ് ട്രോഫി ഫുട്ബോൾ ചാംപ്യൻഷിപ് ഫൈനൽ റൗണ്ടിൽ ചണ്ഡിഗഡിനെതിരെ കേരളത്തിനു ഗംഭീര വിജയം.
കേരളത്തിനായി എം.എസ്.ജിതിൻ രണ്ടു ഗോൾ നേടി. 11–ാം മിനിറ്റിൽ ആദ്യഗോൾ നേടി സ്കോർ ബോർഡ് തുറന്ന ജിതിൻ 51–ാം മിനിറ്റിലും വല കുലുക്കിയാണ് ഇരട്ടനേട്ടം സ്വന്തമാക്കിയത്. സജിത്ത് പൗലോസ് 19–ാം മിനിറ്റിലും വി.കെ.അഫ്ദാൽ 48–ാം മിനിറ്റിലും പകരക്കാരനായിറങ്ങിയ വി.എസ്.ശ്രീക്കുട്ടൻ 77–ാം മിനിറ്റിലും ലീഡുയർത്തി. ചണ്ഡിഗഡിനു വേണ്ടി വിശാൽ ശർമ 88–ാം മിനിറ്റിൽ സമാശ്വാസ ഗോൾ നേടി.
ബംഗാളും മണിപ്പുരുമടങ്ങുന്ന ഗ്രൂപ്പ് എയിലെ ചണ്ഡിഗഡിനെതിരെ മികച്ച കളിയാണു ക്യാപ്റ്റൻ രാഹുൽ വി.രാജിന്റെ നേതൃത്വത്തിലുള്ള കേരളം പുറത്തെടുത്തത്.
No comments:
Post a Comment